బైంసా గణేష్ నగర్లో దుర్గామాత విగ్రహ ప్రతిష్ఠాపన

బైంసా పట్టణంలోని గణేష్ నగర్లో శ్రీరామ చైతన్య యూత్ ఆధ్వర్యంలో దుర్గామాత విగ్రహ ప్రతిష్ఠాపన కార్యక్రమం భక్తిశ్రద్ధలతో నిర్వహించారు. ఈ కార్యక్రమంలో యువకులు, స్థానిక వీధి నివాసులు, మహిళలు పెద్ద సంఖ్యలో పాల్గొన్నారు. ఈ సందర్భంగా అమ్మవారికి ప్రత్యేక పూజలు నిర్వహించి, ప్రజలందరిపై దుర్గామాత ఆశీస్సులు ఉండాలని ఆకాంక్షించారు. ఈ కార్యక్రమానికి మున్నూరు కాపు సంఘం అధ్యక్షుడు తోట రాము, మార్కెట్ కమిటీ మాజీ చైర్మన్ పి. కృష్ణ, మున్సిపల్ చైర్మన్ దత్తాత్రి, సాయినాథ్, ముత్తెన్న, సుశీల్, రఘువీర్ తదితరులు హాజరయ్యారు. శ్రీరామ చైతన్య యూత్ సభ్యులు కార్యక్రమ నిర్వహణలో పాల్గొన్నారు. అమ్మవారి ప్రతిష్ఠాపనతో గణేష్ నగర్లో ఆధ్యాత్మిక వాతావరణం నెలకొంది. భక్తులు అమ్మవారిని దర్శించుకుని ప్రత్యేక పూజలు చేశారు.