ఆత్మకూరు, 15 September
రాష్ట్రంలోని వికలాంగులందరికీ ప్రభుత్వ, ప్రైవేటు వైద్యశాలల్లో ఉచిత వైద్యం అందించేలా వికలాంగుల ఆరోగ్య రక్ష పేరుతో నూతన పథకాన్ని వెంటనే తీసుకురావాలని భారత వికలాంగుల హక్కుల పరిరక్షణ సమితి రాష్ట్ర అధ్యక్షుడు గిద్దె రాజేష్ డిమాండ్ చేశారు. ఎన్నికల హామీలు అమలు చేయకుంటే ఉద్యమం ఉద్ధృతం చేస్తామని ఆయన హెచ్చరించారు.
వికలాంగుల కోసం ‘ఆరోగ్య రక్ష’ పథకం తీసుకురావాలి ప్రభుత్వ, ప్రైవేటు వైద్యశాలల్లో ఉచిత వైద్యం అందించాలి ఎన్నికల హామీలు అమలు చేయకుంటే ఉద్యమం ఉద్ధృతం: గిద్దె రాజేష్ సూర్యాపేట: రాష్ట్రంలోని వికలాంగులందరికీ ప్రభుత్వ, ప్రైవేటు వైద్యశాలల్లో ఉచిత వైద్యం అందించేలా తెలంగాణ ప్రభుత్వం ‘వికలాంగుల ఆరోగ్య రక్ష’ పేరుతో నూతన పథకాన్ని వెంటనే తీసుకురావాలని భారత వికలాంగుల హక్కుల పరిరక్షణ సమితి రాష్ట్ర అధ్యక్షుడు గిద్దె రాజేష్ డిమాండ్ చేశారు. సూర్యాపేట జిల్లా మండలం నెమ్మికల్లో గురువారం నిర్వహించిన సంఘం మండల ముఖ్య నాయకుల సమావేశానికి ఆయన ముఖ్య అతిథిగా హాజరయ్యారు. ఈ సందర్భంగా మాట్లాడుతూ.. అసెంబ్లీ ఎన్నికల సమయంలో వికలాంగులకు కాంగ్రెస్ పార్టీ పలు హామీలు ఇచ్చిందని తెలిపారు. వికలాంగుల పింఛన్ను నెలకు రూ.6 వేలకు పెంచడం, రాష్ట్రంలోని అన్ని ఆర్టీసీ బస్సుల్లో ఉచిత ప్రయాణ సౌకర్యం కల్పించడం, వికలాంగుల అట్రాసిటీ చట్టం-2016ను సమర్థంగా అమలు చేయడం, ఖాళీగా ఉన్న బ్యాక్లాగ్ ఉద్యోగాలను గుర్తించి భర్తీ చేయడం, స్థానిక సంస్థల ఎన్నికల్లో వికలాంగులకు ప్రత్యేక రాజకీయ రిజర్వేషన్లు కల్పిస్తామని హామీలు ఇచ్చారని పేర్కొన్నారు. అయితే ప్రభుత్వం ఏర్పడి దాదాపు మూడేళ్లు పూర్తవుతున్నా ఎన్నికల సమయంలో ఇచ్చిన హామీల్లో ఏ ఒక్కటీ పూర్తిస్థాయిలో అమలు కాలేదని గిద్దె రాజేష్ ఆరోపించారు. వికలాంగుల సమస్యలపై ప్రభుత్వం వెంటనే స్పందించి హామీలను అమలు చేయాలని డిమాండ్ చేశారు. హామీల అమలులో ప్రభుత్వం విఫలమైతే రాష్ట్రవ్యాప్తంగా ఉద్యమాలను మరింత ఉద్ధృతం చేస్తామని హెచ్చరించారు. కేంద్ర మంత్రి ధర్మేంద్ర ప్రధాన్ తరహాలో ముఖ్యమంత్రి రేవంత్రెడ్డి రాజీనామా చేసే వరకు ఉద్యమం కొనసాగిస్తామని తెలిపారు. సమావేశంలో సంఘం జిల్లా అధ్యక్షుడు గోగుల శేఖర్రెడ్డి, రాష్ట్ర ఉపాధ్యక్షుడు కొల్లూరి ఈదయ్య బాబు, మండల నాయకుడు జానకి రామాచారి తదితరులు పాల్గొన్నారు.
