సారంగాపూర్, 13 November
నిర్మల్ నియోజకవర్గంలో పెండింగ్ లో ఉన్న కీలక నీటిపారుదల సమస్యల పరిష్కారం కోసం నిర్మల్ నియోజకవర్గ ఇన్ ఛార్జ్ కూచాడి శ్రీహరి రావు, రాష్ట్ర ఇరిగేషన్, ఫుడ్ సివిల్ సప్లైస్ శాఖ మంత్రి నలమాద ఉత్తమ్ కుమార్ రెడ్డిని హైదరాబాద్ లోని ఆయన కార్యాలయంలో కలిసి వినతి పత్రాలు అందజేశారు. యాకర్ పల్లి వద్ద స్వర్ణ నదిపై లో లెవల్ కాజ్వే, మామడలో లిఫ్ట్ ఇరిగేషన్, ప్యారామూర్ చెరువుల మరమ్మత్తు, నర్సాపూర్ దేవుని చెరువు కట్ట పునర్నిర్మాణం వంటి 4 కీలక పనులపై ఆయన దృష్టి సారించారు.
నిర్మల్ నియోజకవర్గంలో పెండింగ్ లో ఉన్న కీలక నీటిపారుదల సమస్యల పరిష్కారం కోసం నిర్మల్ నియోజకవర్గ ఇన్ ఛార్జ్ కూచాడి శ్రీహరి రావు, రాష్ట్ర ఇరిగేషన్, ఫుడ్ సివిల్ సప్లైస్ శాఖ మంత్రి నలమాద ఉత్తమ్ కుమార్ రెడ్డిని హైదరాబాద్ లోని ఆయన కార్యాలయంలో మర్యాదపూర్వకంగా కలిసి 4 వేర్వేరు వినతి పత్రాలను అందజేశారు.
1. యాకర్ పల్లి వద్ద స్వర్ణ నదిపై లో లెవల్ కాజ్వే
మండలం, యాకర్ పల్లి గ్రామం వద్ద స్వర్ణ నదిపై లో లెవల్ కాజ్వే నిర్మించాలని కోరారు. యాకర్ పల్లి రైతులకు నదికి ఇరువైపులా పొలాలు ఉన్నాయని, జూలై నుండి అక్టోబర్ వరకు వానాకాలం పంటలకు కీలక సమయంలో నదిలో నీరు ఉండటంతో కుడి ఒడ్డున ఉన్న పొలాలకు వెళ్ళలేకపోతున్నారని తెలిపారు. ప్రస్తుతం మలక్ చించోలి గ్రామం మీదుగా చుట్టూ తిరిగి వెళ్ళాల్సి వచ్చి రైతులకు ఇబ్బంది, ఆర్థిక భారం అవుతోందన్నారు.
అంతేకాకుండా ప్రతి ఏడాది అక్టోబర్ లో జరిగే ప్రముఖ అడెల్లి పోచమ్మ జాతర కు , దిలావర్ పూర్ మండలాల నుండి భక్తులు యాకర్ పల్లి వద్ద స్వర్ణ నది దాటి అడెల్లి పోచమ్మ ఆలయానికి వెళ్తారని, భక్తులను సురక్షితంగా దాటించడం పోలీసు, రెవెన్యూ అధికారులకు కష్టంగా మారుతోందని వివరించారు. కాజ్వే నిర్మిస్తే రైతులకు, భక్తులకు ఇద్దరికీ మేలు జరుగుతుందని కోరారు.
2. మామడ మండలంలో లిఫ్ట్ ఇరిగేషన్
మామడ మండలంలోని మామడ, కప్పన్ పల్లి, దిమ్మదుర్తి గ్రామాలకు లిఫ్ట్ ఇరిగేషన్ పథకం మంజూరు చేయాలని కోరారు. ఈ మూడు గ్రామాల్లో సుమారు 1,000 ఎకరాల ఆయకట్టు పూర్తిగా వర్షాధారంపై ఆధారపడి ఉందని, చిన్న, సన్నకారు రైతులు తీవ్రంగా నష్టపోతున్నారని తెలిపారు.
గోదావరి నది నిర్మల్ జిల్లా గుండా ప్రవహిస్తున్నా, మెట్ట గ్రామాలకు నీరు అందడం లేదని, శ్రీరామ్ సాగర్ ప్రాజెక్టులోని సరస్వతి కాలువ ద్వారా నీరు అందే తుర్కం చెరువు నుండి నీటిని లిఫ్ట్ చేసి ఇవ్వాలని విజ్ఞప్తి చేశారు. ఈ పథకం వస్తే 1,000 ఎకరాలకు సాగునీరు అంది దిగుబడి, రైతుల ఆర్థిక పరిస్థితి మెరుగుపడుతుందన్నారు.
3. ప్యారామూర్ గ్రామ చెరువుల మరమ్మత్తు
మండలం, ప్యారామూర్ గ్రామంలోని పసన్న చెరువు, ఊర చెరువు, భీమన్న చెరువుల మరమ్మత్తులకు నిధులు మంజూరు చేయాలని కోరారు. ఈ మూడు చెరువుల కింద సుమారు 800 ఎకరాల ఆయకట్టు ఉందని, ప్రతి సంవత్సరం బాగా వర్షాలు పడి చెరువుల కట్టలు, తూములు దెబ్బతింటున్నాయని తెలిపారు.
