భైంసా, 9 November
హిందూ ధర్మంలో కార్తీక మాసానికి ఎంతో పవిత్రమైన స్థానం ఉంది. శివకేశవులకు అత్యంత ప్రీతికరమైన మాసంగా భక్తులు కార్తీక మాసాన్ని భావిస్తారు. భక్తి, ఆధ్యాత్మికత, నియమ నిష్ఠలు, దానధర్మాలు, దీపారాధనకు ప్రతీకగా నిలిచే ఈ మాసం ప్రతి ఇంటా ఆధ్యాత్మిక వెలుగులు నింపుతుంది.
హిందూ ధర్మంలో కార్తీక మాసానికి ఎంతో పవిత్రమైన స్థానం ఉంది. శివకేశవులకు అత్యంత ప్రీతికరమైన మాసంగా భక్తులు కార్తీక మాసాన్ని భావిస్తారు. భక్తి, ఆధ్యాత్మికత, నియమ నిష్ఠలు, దానధర్మాలు, దీపారాధనకు ప్రతీకగా నిలిచే ఈ మాసం ప్రతి ఇంటా ఆధ్యాత్మిక వెలుగులు నింపుతుంది.
కార్తీక మాసం ఎందుకంత ప్రత్యేకం పురాణాల ప్రకారం, కార్తీక మాసం శివారాధనకు, విష్ణు ఆరాధనకు ఎంతో విశిష్టమైనది. ఈ మాసంలో నిత్యం భగవంతుడిని స్మరించడం, ఆలయాలను దర్శించడం, దీపాలు వెలిగించడం, పవిత్ర స్నానాలు ఆచరించడం వల్ల పుణ్యఫలాలు లభిస్తాయని భక్తుల విశ్వాసం.
ముఖ్యంగా, తెల్లవారుజామునే నిద్రలేచి స్నానం చేసి, శివనామ స్మరణతో రోజును ప్రారంభించడం ఈ మాసంలోని ముఖ్యమైన ఆచారం.
దీపారాధనలో దాగిన ఆధ్యాత్మిక సందేశం
కార్తీక మాసంలో దీపం వెలిగించడానికి ప్రత్యేక ప్రాధాన్యత ఉంది. ఇంటి ముందు, తులసి కోట వద్ద, ఆలయాల్లో దీపాలు వెలిగిస్తారు. నువ్వుల నూనెతో లేదా ఆవు నెయ్యితో దీపారాధన చేయడం సంప్రదాయంగా వస్తోంది.
దీపం వెలుగు అజ్ఞానమనే చీకటిని తొలగించి, జ్ఞానమనే వెలుగును నింపుతుందని ఆధ్యాత్మిక భావన. మనిషిలోని అహంకారం, అసూయ, ద్వేషం వంటి చెడు భావాలను విడిచిపెట్టి, ప్రేమ, దయ, సేవాభావంతో జీవించాలని దీపారాధన సందేశమిస్తుంది.
కార్తీక సోమవారాల విశిష్టత
కార్తీక మాసంలో వచ్చే ప్రతి సోమవారానికి ప్రత్యేక ప్రాముఖ్యత ఉంది. సోమవారం పరమశివుడికి ప్రీతికరమైన రోజుగా భావిస్తారు. భక్తులు ఉపవాసాలు ఉండి, శివాలయాలకు వెళ్లి అభిషేకాలు నిర్వహిస్తారు. బిల్వదళాలను సమర్పించి, ఓం నమఃశివాయ అనే పంచాక్షరీ మంత్రాన్ని జపిస్తారు.
కార్తీక సోమవార వ్రతాన్ని భక్తిశ్రద్ధలతో ఆచరించడం వల్ల కుటుంబంలో సుఖశాంతులు కలుగుతాయని భక్తుల నమ్మకం.
తులసి పూజ విష్ణు ఆరాధన
కార్తీక మాసంలో తులసి పూజకు కూడా విశేషమైన ప్రాధాన్యత ఉంది. తులసి మొక్కను లక్ష్మీదేవి స్వరూపంగా భావించి పూజిస్తారు. తులసి కోట వద్ద దీపం వెలిగించి, పూజలు నిర్వహిస్తారు.
క్షీరాబ్ధి ద్వాదశి సందర్భంగా తులసి కల్యాణం నిర్వహించడం అనేక ప్రాంతాల్లో సంప్రదాయంగా కొనసాగుతోంది. ఈ వేడుక భక్తుల్లో భక్తిభావాన్ని, కుటుంబాల్లో ఐక్యతను పెంపొందిస్తుంది.
కార్తీక మాసంలో వనభోజనాలకు ప్రత్యేక స్థానం ఉంది. కుటుంబ సభ్యులు, బంధుమిత్రులు, గ్రామస్థులు కలిసి చెట్ల నీడలో వనభోజనాలు నిర్వహిస్తారు. ఉసిరి చెట్టు సమీపంలో భోజనం చేయడం శుభప్రదంగా భావించే సంప్రదాయం కూడా ఉంది.
