బీజేపీ కిసాన్ మోర్చా తెలంగాణ అధికార ప్రతినిధిగా డి. ముత్యం రెడ్డి

భారతీయ జనతా పార్టీ కిసాన్ మోర్చా తెలంగాణ రాష్ట్ర అధికార ప్రతినిధిగా నిర్మల్ జిల్లాకు చెందిన డి. ముత్యం రెడ్డి నియమితులయ్యారు. ఈ మేరకు బీజేపీ రాష్ట్ర అధ్యక్షుడు మాజీ ఎమ్మెల్సీ ఎన్. రామచందర్ రావు సూచనల మేరకు కిసాన్ మోర్చా రాష్ట్ర అధ్యక్షుడు నియామకాలను ప్రకటించారు.

రాష్ట్రస్థాయిలో కిసాన్ మోర్చా అధికార ప్రతినిధిగా డి. ముత్యం రెడ్డికి బాధ్యతలు అప్పగించారు. ఈ నియామకంతో నిర్మల్ జిల్లాకు చెందిన నాయకుడికి రాష్ట్రస్థాయిలో ప్రాతినిధ్యం లభించింది.

సన్మానం మరియు శుభాకాంక్షలు

కిసాన్ మోర్చా రాష్ట్ర అధికార ప్రతినిధిగా నియమితులైన డి. ముత్యం రెడ్డిని బీజేఎల్పీ నేత ఏలేటి మహేశ్వర్ రెడ్డి, నిర్మల్ జిల్లా అధ్యక్షులు రితేష్ రాథోడ్ సన్మానించి శుభాకాంక్షలు తెలిపారు. ఈ కార్యక్రమంలో సర్పంచు ల సంఘము రాష్ట్ర ఉపాధ్యక్షులు తక్కల రమణ రెడ్డి, బీజేపీ జిల్లా ఉపాధ్యక్షులు సత్యం చంద్రకాంత్, నాయకులు జమాల్, మండల అధ్యక్షులు శ్రీనివాస్, ఎస్టీ మోర్చా జిల్లా ప్రధాన కార్యదర్శి ఇస్లావత్ మోహన్ నాయక్, శ్రీరామ్ కార్యకర్తలు పాల్గొని శుభాకాంక్షలు తెలియజేశారు.