బైంసా మండలంలోని దేగాం గ్రామంలో ముఖ్యమంత్రి రేవంత్ రెడ్డి జన్మదిన వేడుకలను ముధోల్ మాజీ శాసనసభ్యులు జి. విఠల్ రెడ్డి ఘనంగా నిర్వహించారు.
ఈ సందర్భంగా మాజీ శాసనసభ్యులు జి. విఠల్ రెడ్డి మాట్లాడుతూ, కాంగ్రెస్ ప్రజా ప్రభుత్వం పేద, బడుగు, బలహీన వర్గాల అభ్యున్నతి కోసం అనేక సంక్షేమ పథకాలను అమలు చేస్తోందని తెలిపారు. 200 యూనిట్ల వరకు ఉచిత విద్యుత్, మహిళలకు ఉచిత బస్సు ప్రయాణం, నూతన రేషన్ కార్డుల మంజూరు వంటి పథకాలు అమలు చేస్తున్నట్లు చెప్పారు. కొడంగల్ లో జరగబోయే భారీ బహిరంగ సభలో ముఖ్యమంత్రి రేవంత్ రెడ్డి చేతుల మీదుగా నూతన పెన్షన్ల మంజూరు కార్యక్రమం ప్రారంభమవుతుందని అన్నారు.
ఇందిరమ్మ బీమా పథకం ద్వారా భూమిలేని నిరుపేదలకు కూడా బీమా సౌకర్యం కల్పించడానికి ప్రభుత్వం శ్రీకారం చుడుతుందని ఆయన తెలిపారు.
ఈ కార్యక్రమంలో మాజీ సర్పంచ్ బొబ్బిలి శ్రీను, ఏఎంసీ మాజీ వైస్ చైర్మన్ ఎండీ ఫరూక్ అహ్మద్, మాజీ జిల్లా జెడ్పీ వైస్ చైర్మన్ రాజన్న, మౌలాఖాన్, వార్డు సభ్యులు సుదర్శన్ గౌడ్, సాయి, ఆనంద్, చోటు, ఎల్లా రాజేశ్వర్, వాటోలి సర్పంచ్ ఎగ్గం నడిపి సాయన్న, ఉప సర్పంచ్ గాఫోర్, మాజీ ఉప సర్పంచ్ మల్లేష్, మాజీద్ చౌదరి, చందు రెడ్డి, గోవర్ధన్ రెడ్డి, కిష్టన్న, సాయిలు, రమేష్, వాగమరే శ్రీను, బొగ్గుల మహేష్, వాగమరే గౌతమ్, అబ్దుల్ రియాజ్, ఇక్బాల్ అహ్మద్, ఎస్డీ అన్వార్, ఫరూక్, జాదవ్ సోమాజి, శానే అవినాష్ తో పాటు సీనియర్ నాయకులు, కార్యకర్తలు పాల్గొన్నారు.
