బతుకమ్మ సంబరాల్లో నిర్మల్ చైర్పర్సన్, వైస్ చైర్మన్ సేవా కార్యక్రమం

నిర్మల్ మున్సిపల్ చైర్పర్సన్ అప్పాల కావ్య, వైస్ చైర్మన్ అప్పాల గణేష్ చక్రవర్తి బతుకమ్మ సంబరాల్లో పాల్గొని మహిళలతో కలిసి సందడి చేశారు. పండుగ వేడుకల్లో పాల్గొన్న మహిళలకు అల్పాహారం, తాగునీటి బాటిళ్లను పంపిణీ చేసి వారి సేవా స్ఫూర్తిని చాటుకున్నారు. ఈ సందర్భంగా మహిళలకు బతుకమ్మ పండుగ శుభాకాంక్షలు తెలిపారు. బతుకమ్మ పండుగ మహిళల ఐక్యతకు, తెలంగాణ ఆత్మగౌరవానికి ప్రతీకగా నిలుస్తుందని వారు పేర్కొన్నారు.

వేడుకల్లో పాల్గొనే మహిళలకు ఎలాంటి ఇబ్బందులు కలగకుండా అల్పాహారం, తాగునీటిని అందించినట్లు చైర్పర్సన్ అప్పాల కావ్య, వైస్ చైర్మన్ అప్పాల గణేష్ చక్రవర్తి తెలిపారు. మహిళలందరూ ఆనందోత్సాహాలతో పండుగను జరుపుకోవాలని ఆకాంక్షించారు. ప్రతి ఇంటా సుఖసంతోషాలు వెల్లివిరియాలని, మహిళలందరూ ఆయురారోగ్యాలతో ఉండాలని కోరుకుంటూ బతుకమ్మ పండుగ శుభాకాంక్షలు తెలియజేశారు.