ప్రధానమంత్రి విశ్వకర్మ యోజన పథకం కింద మిర్యాలగూడ నియోజకవర్గంలో 32 కులవృత్తులకు ఉచిత శిక్షణతో పాటు పనిముట్లను పంపిణీ చేశారు. ఈ పథకం ద్వారా పేద, మధ్యతరగతి ప్రజలకు ఉపాధి అవకాశాలు కల్పించి, ఆర్థిక స్వావలంబన చేకూర్చడమే లక్ష్యంగా కేంద్ర ప్రభుత్వం ఈ కార్యక్రమాన్ని చేపట్టింది.
పేద, మధ్యతరగతి ప్రజలకు ఉపాధి కల్పించి, వారి కుటుంబాలు స్వయం సమృద్ధి సాధించి ఆర్థికంగా అభివృద్ధి చెందాలనే లక్ష్యంతో కేంద్ర ప్రభుత్వం ప్రధానమంత్రి విశ్వకర్మ యోజనను అమలు చేస్తోంది. ఈ పథకం ద్వారా దాదాపు 32 కులవృత్తులకు సంబంధించిన విభాగాలలో ఉచిత శిక్షణను అందిస్తున్నారు. శిక్షణ అనంతరం, వారి వృత్తులకు అవసరమైన పనిముట్లను కూడా ఉచితంగా పంపిణీ చేస్తున్నారు. మిర్యాలగూడ నియోజకవర్గంలో ఈ పథకం కన్వీనర్ చిలుకూరి శ్యామ్ మాట్లాడుతూ, నియోజకవర్గంలో సుమారు 15 వేల మంది ఈ పథకం ద్వారా లబ్ధి పొందుతారని తెలిపారు. వారికి ఉచిత శిక్షణతో పాటు, శిక్షణ కాలంలో నెలకు 4,000 రూపాయల పారితోషికం కూడా అందిస్తామని చెప్పారు. అంతేకాకుండా, 50 పైసల వడ్డీకే లక్ష రూపాయల వరకు బ్యాంకు రుణాలను లబ్ధిదారులకు అందించి, వారి కుటుంబాలకు ఆర్థిక స్వావలంబన కల్పించడం జరుగుతుందని ఆయన వివరించారు.
కుట్టుమిషన్లు, కార్పెంటర్స్ పనిముట్లు, చర్మకారులు, బెస్త, చెప్పులు కుట్టేవారు, కమ్మరులు, స్వర్ణకారులు, బొమ్మలు తయారీ వంటి వివిధ వృత్తులకు సంబంధించిన పనిముట్లను ఈ సందర్భంగా ఉచితంగా అందించారు. ఈ పథకం వచ్చే అక్టోబర్ నెలలో అధికారికంగా ప్రారంభం కానుందని, ఆసక్తిగల కుల వృత్తుల వారు దరఖాస్తు చేసుకోవాలని ఆయన సూచించారు. ఈ కార్యక్రమంలో నియోజకవర్గం కో కన్వీనర్ చిల్లంచర్ల అభి, బీజేపీ పట్టణ అధ్యక్షులు బంటు గిరి, ప్రధాన కార్యదర్శి కొంగరి వెంకటరమణ, శివరాం, మాదవి, పలువురు లబ్ధిదారులు పాల్గొన్నారు.
