జర్నలిస్టు బసవరాజుపై ఘటనపై విచారణ జరపాలి: యాదోస్ శివకుమార్

జర్నలిస్టు బసవరాజుపై చోటుచేసుకున్న పరిణామాలపై సమగ్ర విచారణ జరిపి నిజానిజాలను వెలుగులోకి తీసుకురావాలని నేషనల్ హ్యూమన్ రైట్స్ జస్టిస్ ఆఫ్ మూవ్మెంట్ తెలంగాణ రాష్ట్ర ప్రధాన కార్యదర్శి, మాదిగ జన చైతన్య సమితి తెలంగాణ రాష్ట్ర యూత్ అధ్యక్షుడు యాదోస్ శివకుమార్ డిమాండ్ చేశారు.

పోలీసుల తీరుపై ఆరోపణలు

పోలీసులు థర్డ్ డిగ్రీ ప్రయోగించారన్న ఆరోపణలు తీవ్రమైనవని, ఉన్నతాధికారులు నిష్పక్షపాతంగా విచారణ జరపాలని యాదోస్ శివకుమార్ కోరారు. పోలీసు వ్యవస్థపై రాజకీయ ప్రభావం ఉందన్న ఆరోపణలు ప్రజల్లో అనుమానాలకు దారితీస్తున్నాయని ఆయన అన్నారు.

చట్టపరమైన పోరాటం

యూనిఫామ్లో ఉన్న పోలీసులు చట్టానికి, రాజ్యాంగానికి మాత్రమే బాధ్యత వహించాలి అని శివకుమార్ అన్నారు. బసవరాజుపై ఎన్ని కేసులు నమోదైనా చట్టపరంగా ఎదుర్కొనే ధైర్యం ఉందని, అయితే ఆయనకు ఎలాంటి ప్రాణహాని కలగకుండా అధికారులు తగిన చర్యలు తీసుకోవాలని శివకుమార్ కోరారు. న్యాయవ్యవస్థపై పూర్తి నమ్మకం ఉందని, మానవ హక్కులు, జర్నలిస్టుల హక్కుల పరిరక్షణ కోసం చట్టబద్ధంగా పోరాటం కొనసాగిస్తామని శివకుమార్ తెలిపారు.

సమగ్ర విచారణకు డిమాండ్

బసవరాజు ఘటనకు సంబంధించిన అన్ని అంశాలనుపోలీసులపై వచ్చిన ఆరోపణలు, నమోదైన కేసులు, వాట్సాప్ ఖాతాకు వచ్చిన స్ట్రైక్సమగ్రంగా పరిశీలించి వాస్తవాలను ప్రజల ముందుంచాలని శివకుమార్ డిమాండ్ చేశారు. త్వరలో ఎంపీడీవో, తాసిల్దార్ కార్యాలయాలను ముట్టడించే యోచనలో ఉన్నట్లు తెలిపారు.