కానకాపూర్ లో గణనాథుడికి ఘన వీడ్కోలు.. భక్తిశ్రద్ధల మధ్య నిమజ్జన శోభాయాత్రలు

లోకేశ్వరం: మండలంలోని కానకాపూర్ గ్రామంలో వినాయక చవితి ఉత్సవాల్లో భాగంగా గణనాథుడి నిమజ్జన శోభాయాత్రలు భక్తిశ్రద్ధల మధ్య ఘనంగా నిర్వహించారు. భక్తులు గణేశుడికి ప్రత్యేక పూజలు నిర్వహించి, నిమజ్జనానికి తరలించారు. డప్పుల మోతలు, డీజే పాటలు, యువత సాంస్కృతిక నృత్యాలతో శోభాయాత్రలు సందడిగా సాగాయి. పలుచోట్ల భక్తులు పెద్ద సంఖ్యలో పాల్గొని గణనాథుడికి ఘనంగా వీడ్కోలు పలికారు. నిమజ్జన కార్యక్రమాలు ప్రశాంతంగా జరిగేలా పోలీసులు ప్రత్యేక బందోబస్తు ఏర్పాటు చేశారు. ఎలాంటి అవాంఛనీయ ఘటనలు చోటుచేసుకోకుండా పోలీసు అధికారులు, సిబ్బంది అప్రమత్తంగా విధులు నిర్వహించారు. భక్తులు, నిర్వాహకులు పోలీసుల సూచనలు పాటిస్తూ నిమజ్జన కార్యక్రమాలను ప్రశాంతంగా నిర్వహించారు. దీంతో ఆయా గ్రామాల్లో వినాయక నిమజ్జన వేడుకలు భక్తి, ఉత్సాహాల మధ్య ముగిశాయి. పోలీస్ సిబ్బంది నిమజ్జన కార్యక్రమాలను పర్యవేక్షించారు. అనంతరం స్థానిక విద్యుత్ లైన్మెన్ సాయిబాబాను ఘనంగా సన్మానించారు.