ప్రస్తుతం చాలా సందేశాల యాప్లలో ఒకసారి మొబైల్ నంబర్తో ఖాతా నమోదు చేసిన తర్వాత, ఆ సిమ్ను ఫోన్ నుంచి తీసివేసినా ఇంటర్నెట్ ద్వారా యాప్ను ఉపయోగించగలుగుతున్నారు. కొత్త నిబంధనల ప్రకారం, ఖాతాకు అనుసంధానమైన క్రియాశీల సిమ్ సంబంధిత పరికరంలో ఉండేలా యాప్లు నిర్ధారించాల్సి ఉంటుంది. సిమ్ తీసివేసినా, నంబర్ నిలిపివేసినా లేదా మార్చినా యాప్ సేవలు నిలిచిపోయే అవకాశం ఉంది. తిరిగి అదే నంబర్కు సంబంధించిన చెల్లుబాటు అయ్యే సిమ్ను ఉపయోగించిన తర్వాత సేవలు పునరుద్ధరించుకునే అవకాశం ఉండవచ్చు. అయితే, ప్రతి యాప్లో ఈ విధానం ఎలా అమలవుతుందనేది ఆయా సంస్థలు చేపట్టే సాంకేతిక మార్పులపై ఆధారపడి ఉంటుంది.
ప్రస్తుతం చాలా సందేశాల యాప్లలో ఒకసారి మొబైల్ నంబర్తో ఖాతా నమోదు చేసిన తర్వాత, ఆ సిమ్ను ఫోన్ నుంచి తీసివేసినా ఇంటర్నెట్ ద్వారా యాప్ను ఉపయోగించగలుగుతున్నారు. కొత్త నిబంధనల ప్రకారం, ఖాతాకు అనుసంధానమైన క్రియాశీల సిమ్ సంబంధిత పరికరంలో ఉండేలా యాప్లు నిర్ధారించాల్సి ఉంటుంది. సిమ్ తీసివేసినా, నంబర్ నిలిపివేసినా లేదా మార్చినా యాప్ సేవలు నిలిచిపోయే అవకాశం ఉంది. తిరిగి అదే నంబర్కు సంబంధించిన చెల్లుబాటు అయ్యే సిమ్ను ఉపయోగించిన తర్వాత సేవలు పునరుద్ధరించుకునే అవకాశం ఉండవచ్చు. అయితే, ప్రతి యాప్లో ఈ విధానం ఎలా అమలవుతుందనేది ఆయా సంస్థలు చేపట్టే సాంకేతిక మార్పులపై ఆధారపడి ఉంటుంది.
సిమ్ బైండింగ్ అంటే ఏమిటి
టెలికమ్యూనికేషన్స్ శాఖ ఆదేశాల్లో ఎనిమిది యాప్లను పేర్కొంది. అవి: వాట్సాప్, టెలిగ్రామ్, సిగ్నల్, స్నాప్చాట్, అరట్టై, షేర్చాట్, జోష్, జియోచాట్. భారతీయ మొబైల్ నంబర్లను వినియోగదారుల గుర్తింపునకు లేదా సేవలందించడానికి ఉపయోగించే ఈ యాప్లు నిబంధనలకు అనుగుణంగా మార్పులు చేయాల్సి ఉంటుంది.
ఎవరికి ఎక్కువ ప్రభావం ఉండవచ్చు
సిమ్ బైండింగ్ వల్ల ముఖ్యంగా ఈ తరహా వినియోగదారులు తమ ఫోన్ వినియోగ విధానాన్ని పరిశీలించుకోవాల్సి రావచ్చు: వాట్సాప్ ఖాతా నమోదు చేసిన సిమ్ను మరో ఫోన్లో ఉంచేవారు; వై-ఫై ద్వారా మాత్రమే పనిచేసే టాబ్లెట్ లేదా ఫోన్లో సందేశాల యాప్లను ఉపయోగించేవారు; ఖాతా నమోదు చేసిన తర్వాత సిమ్ను ఫోన్ నుంచి తీసివేసేవారు; తరచుగా సిమ్లు లేదా మొబైల్ నంబర్లు మార్చేవారు; ఒకే ఖాతాను పలు పరికరాల్లో ఉపయోగించేవారు. భౌతిక సిమ్కు బదులుగా ఈ-సిమ్ ఉపయోగించే వారికి కూడా సంబంధిత నంబర్ క్రియాశీలంగా ఉండటం, యాప్ నిబంధనలకు అనుగుణంగా పనిచేయడం అవసరం కావచ్చు.
వాట్సాప్ వెబ్ కూడా మారుతుందా
వాట్సాప్ వెబ్, డెస్క్టాప్ వెర్షన్లకు సంబంధించిన లాగిన్ నిబంధనలపైనా మార్పులు ప్రతిపాదించారు. తొలుత ప్రతి ఆరు గంటలకు తప్పనిసరిగా లాగ్అవుట్ చేయాలన్న ఆదేశం ఉండగా, తాజా నివేదికల ప్రకారం వెబ్ సెషన్లకు ప్రమాద స్థాయిని బట్టి లాగ్అవుట్ విధానం అమలు చేయాలని నిర్ణయించారు. కాబట్టి ప్రతి ఆరు గంటలకు అందరి ఖాతాలూ తప్పనిసరిగా లాగ్అవుట్ అవుతాయని చెప్పలేం.
సైబర్ నేరగాళ్లు భారతీయ మొబైల్ నంబర్లతో సందేశాల యాప్లలో ఖాతాలు సృష్టించి, సిమ్ అందుబాటులో లేకపోయినా వాటిని ఇతర ప్రాంతాల నుంచి ఉపయోగిస్తున్నారని టెలికమ్యూనికేషన్స్ శాఖ పేర్కొంది. నకిలీ అధికారుల పేరుతో బెదిరింపులు, పెట్టుబడి మోసాలు, ఫిషింగ్, డిజిటల్ అరెస్టు మోసాలను అరికట్టేందుకు ఈ చర్యలు తీసుకుంటున్నట్లు ప్రభుత్వం తెలిపింది.
