నిజామాబాద్ నగరంలోని వివేకానంద కాలనీలో శివపుత్ర గణేష్ మండలి ఆధ్వర్యంలో గణనాథుడికి ప్రత్యేక పూజలు, అభిషేకాలు నిర్వహించారు. ఈ సందర్భంగా భక్తులకు తీర్థప్రసాదాలు, అన్నదానం చేశారు. ఈ ఉత్సవాలను మండలి గత 25 ఏళ్లుగా నిర్వహిస్తోంది.
వివేకానంద కాలనీలో శివపుత్ర గణేష్ మండలి ఆధ్వర్యంలో గణనాథుడికి ప్రత్యేక పూజలు నిర్వహించారు. అర్చకులు రాఘవ ఆధ్వర్యంలో గణపతికి విశేష పూజలు, అభిషేకాలు నిర్వహించి భక్తులకు తీర్థప్రసాదాలు అందజేశారు. ఈ సందర్భంగా గురుమంచి శేఖర్, మాధవి ప్రత్యేక పూజల్లో పాల్గొన్నారు. గురుమంచి అనంత శ్రీవాత్సవ అన్నప్రసాద దాతగా వ్యవహరించారు. దాతల సహకారంతో భక్తులకు అన్నదాన కార్యక్రమం నిర్వహించారు. పెద్ద సంఖ్యలో భక్తులు అన్నప్రసాదాన్ని స్వీకరించారు. గురుమంచి శేఖర్ మాట్లాడుతూ, గణనాథుడి పూజా కార్యక్రమాల్లో పాల్గొని, కార్యక్రమానికి సహకరించిన ప్రతి ఒక్కరిపై వినాయకుడి కృపాకటాక్షాలు ఉండాలని ఆకాంక్షించారు. శివపుత్ర గణేష్ మండలి నిర్వాహకులు గురుమంచి భార్గవ్ మాట్లాడుతూ, తమ మండలి ఆధ్వర్యంలో గత 25 సంవత్సరాలుగా వినాయక ఉత్సవాలను నిర్వహిస్తున్నట్లు తెలిపారు. ఈసారి ప్రత్యేకంగా వెండి వినాయక విగ్రహాన్ని తయారు చేయించి, పూజలు నిర్వహిస్తున్నట్లు పేర్కొన్నారు. గణనాథుడి కృప ప్రజలందరిపై ఉండాలని ఆకాంక్షించారు. కార్యక్రమంలో శివపుత్ర గణేష్ మండలి సభ్యులు భార్గవ్, సంతోష్, సందీప్, ప్రేమ్ సాయి, వంశీధర్ రాజు, గౌతం నంద, వంశీ, కన్నా, కార్తీక్ తదితరులు పాల్గొన్నారు.
