మురసు తుపాన్ బీభత్సం: మనోరంజని తెలుగు టైమ్స్ తో ఏపీ తీరంలో భారీ వర్షాలు, జనజీవనం స్తంభించింది

తీరం దాటే సమయంలో తుపాన్ గాలి వేగం అప్పుడప్పుడు 120 కిలోమీటర్ల వరకు నమోదైంది. తుపాన్ ప్రభావంతో కోస్తాంధ్ర జిల్లాల్లో కురిసిన భారీ వర్షాలకు పలు ప్రాంతాల్లో చెట్లు నేలకూలాయి, విద్యుత్ స్తంభాలు దెబ్బతిన్నాయి. లోతట్టు ప్రాంతాలు జలమయమయ్యాయి.

ప్రభావిత ప్రాంతాలు

, బాపట్ల, పల్నాడు, గుంటూరు జిల్లాల్లో తుపాన్ ప్రభావం ఎక్కువగా కనిపించింది. నెల్లూరు, కృష్ణా, ఎన్టీఆర్, ఏలూరు, పశ్చిమ గోదావరి జిల్లాల్లోనూ భారీ వర్షాలు నమోదయ్యాయి. విజయవాడలో సోమవారం అర్ధరాత్రి నుంచి కురిసిన వర్షాలకు ప్రధాన రహదారులపై నీరు నిలిచి, బందరు రోడ్డు, పాలీక్లినిక్ రోడ్డు ప్రాంతాల్లో వాహనాల రాకపోకలకు ఇబ్బందులు ఏర్పడ్డాయి.

జిల్లాలోని కొత్తపట్నంలో అత్యధికంగా 16.4 సెంటీమీటర్ల వర్షపాతం నమోదైంది. నాగులుప్పలపాడులో 11.4 సెం.మీ, బాపట్ల జిల్లా చీరాలలో 10 సెం.మీ వర్షం కురిసింది. పలు గ్రామాల్లో పంట పొలాలు నీట మునిగాయి. తీర ప్రాంతాల్లో మత్స్యకారుల పడవలు కూడా దెబ్బతిన్నాయి.

వ్యవస్థలకు అంతరాయం

తుపాన్ తీవ్రతకు వందలాది చెట్లు నేలకూలాయి. కొన్ని ప్రాంతాల్లో విద్యుత్ స్తంభాలు దెబ్బతినడంతో విద్యుత్ సరఫరాకు అంతరాయం ఏర్పడింది. రోడ్లపై చెట్లు పడిపోవడంతో వాహనాల రాకపోకలకు అంతరాయం కలిగింది. జాతీయ రహదారులపై భారీ వర్షం, గాలుల కారణంగా వాహనదారులు ఇబ్బందులు పడ్డారు. తీర ప్రాంతాల్లో మత్స్యకారుల పడవలు, ఇళ్లు, ఇతర ఆస్తులు దెబ్బతిన్నాయి.

సీఎం సమీక్ష

మురసు తుపాన్ పరిస్థితులపై ముఖ్యమంత్రి చంద్రబాబు నాయుడు అప్రమత్తమై, మంగళవారం తెల్లవారుజామున 3.30 గంటలకు జిల్లా కలెక్టర్లు, సంబంధిత అధికారులతో టెలికాన్ఫరెన్స్ నిర్వహించి పరిస్థితిని సమీక్షించారు. తుపాన్ ప్రభావిత ప్రాంతాల్లో ప్రజలు బయటకు రావద్దని, రోడ్లపై పడిపోయిన చెట్లు, విద్యుత్ తీగలను తొలగించిన తర్వాతే రాకపోకలకు అనుమతించాలని అధికారులకు సూచించారు. విద్యుత్ ప్రమాదాలు జరగకుండా ప్రత్యేక జాగ్రత్తలు తీసుకోవాలని ఆదేశించారు.

తుపాన్ తీరం దాటినప్పటికీ దాని ప్రభావం వెంటనే తగ్గే అవకాశం లేదని వాతావరణ శాఖ తెలిపింది. మంగళవారం సాయంత్రం వరకు దక్షిణ కోస్తాంధ్రలో వర్షాలు కొనసాగవచ్చని హెచ్చరించింది. కొన్ని ప్రాంతాల్లో భారీ నుంచి అతి భారీ వర్షాలు, అక్కడక్కడ అత్యంత భారీ వర్షాలు కురిసే అవకాశం ఉందని పేర్కొంది.

మురసు తుపాన్ క్రమంగా బలహీనపడి, మధ్యాహ్నానికి అల్పపీడనంగా, అర్ధరాత్రి సమయానికి తీవ్ర వాయుగుండంగా మారే అవకాశం ఉందని భారత వాతావరణ శాఖ అంచనా వేసింది. తీర ప్రాంతాల్లో సముద్రం అల్లకల్లోలంగా ఉండటంతో మత్స్యకారులు సముద్రంలోకి వెళ్లవద్దని అధికారులు సూచించారు. లోతట్టు ప్రాంతాల ప్రజలు అప్రమత్తంగా ఉండాలని, అధికారుల సూచనలు పాటించాలని విపత్తు నిర్వహణ సంస్థ హెచ్చరించింది.