మండల కేంద్రానికి చెందిన పవార్ భీమ్రావును నిర్మల్ జిల్లా కాంగ్రెస్ పార్టీ ఎస్సీ విభాగం జిల్లా కార్యదర్శిగా నియమించారు. తనపై నమ్మకం ఉంచి బాధ్యతలు అప్పగించిన పార్టీ అధిష్ఠానం పట్ల ఆయన హర్షం వ్యక్తం చేశారు. పవార్ భీమ్రావు నియామకంపై జిల్లాలోని వివిధ మండలాలకు చెందిన కాంగ్రెస్ నాయకులు, కార్యకర్తలు శుభాకాంక్షలు తెలిపారు.
మండల కేంద్రానికి చెందిన పవార్ భీమ్రావును నిర్మల్ జిల్లా కాంగ్రెస్ పార్టీ ఎస్సీ విభాగం జిల్లా కార్యదర్శిగా నియమించారు. తనపై నమ్మకం ఉంచి బాధ్యతలు అప్పగించిన పార్టీ అధిష్ఠానం పట్ల ఆయన హర్షం వ్యక్తం చేశారు. పవార్ భీమ్రావు నియామకంపై జిల్లాలోని వివిధ మండలాలకు చెందిన కాంగ్రెస్ నాయకులు, కార్యకర్తలు శుభాకాంక్షలు తెలిపారు. ఈ సందర్భంగా పవార్ భీమ్రావు మాట్లాడుతూ, తనకు అప్పగించిన బాధ్యతలను అంకితభావంతో నిర్వహిస్తానని తెలిపారు. ప్రజా సమస్యల పరిష్కారానికి కృషి చేస్తూ, పార్టీ బలోపేతానికి నిరంతరం పనిచేస్తానని తెలిపారు. కాంగ్రెస్ పార్టీ విధానాలు, ప్రజా సంక్షేమ కార్యక్రమాలను ప్రజల్లోకి తీసుకెళ్లడంతోపాటు, ఎస్సీ వర్గాల సమస్యలను పార్టీ నాయకత్వం దృష్టికి తీసుకెళ్లి వాటి పరిష్కారానికి కృషి చేస్తానని తెలిపారు. ప్రజలకు ఎల్లప్పుడూ అందుబాటులో ఉంటూ, వారి సమస్యలను తెలుసుకుని పరిష్కారం కోసం తన వంతు కృషి చేస్తానని పేర్కొన్నారు. పార్టీ కార్యక్రమాల్లో నాయకులు, కార్యకర్తలతో కలిసి చురుగ్గా పాల్గొంటానని తెలిపారు. తనపై నమ్మకంతో ఈ బాధ్యతలు అప్పగించేందుకు కృషి చేసిన ముధోల్ నియోజకవర్గ మాజీ ఎమ్మెల్యే జి. విఠల్ రెడ్డికి, ఉమ్మడి ఆదిలాబాద్ జిల్లా ఇన్చార్జి మంత్రి జూపల్లి కృష్ణారావుకు పవార్ భీమ్రావు ప్రత్యేక కృతజ్ఞతలు తెలిపారు. తన నియామకానికి శుభాకాంక్షలు తెలిపిన పార్టీ నాయకులు, కార్యకర్తలకు ఆయన ధన్యవాదాలు తెలిపారు.
