రోమ్ నుంచి నాగ్పూర్కు ఆరెస్సెస్ ఫాసిస్టు భావజాలం: రాజీవ్ శర్మ విశ్లేషణ

ఆరెస్సెస్ ద్వారా ఆయుధ శిక్షణ ఇవ్వడం, ప్రైవేట్ మిలీషియాలకు మద్దతివ్వడం సంఘ్ మౌలిక సిద్ధాంతం కాదని, అది భారతదేశ సంస్కృతి కూడా కాదని రాజీవ్ శర్మ అన్నారు.

ఆరెస్సెస్ ద్వారా ఆయుధ శిక్షణ ఇవ్వడం, ప్రైవేట్ మిలీషియాలకు మద్దతివ్వడం సంఘ్ మౌలిక సిద్ధాంతం కాదని, అది భారతదేశ సంస్కృతి కూడా కాదని రాజీవ్ శర్మ అన్నారు. సంఘ్ ఈ విధానాలను 1930లలో ఇటలీ, జర్మనీలలోని పూర్వపు ఫాసిస్ట్ సంస్థల నుంచి నేర్చుకుని, స్వీకరించిందని ఆయన పేర్కొన్నారు. ఈ విషయంపై ఆయన వ్యాసం భారత జాతీయ కాంగ్రెస్ అధికారిక పత్రిక అయిన కాంగ్రెస్ సందేశ్లో ఇటీవల ప్రచురితమైంది. దానిని ఆయన ఇక్కడ పునఃప్రచురిస్తున్నారు. ఆరెస్సెస్ ఫాసిజాన్ని, దాని ప్రైవేట్ సైన్యాలను ఎలా దిగుమతి చేసుకుందో రాజీవ్ శర్మ వివరించారు. ఇటీవల నీట్ పేపర్ లీక్, సీబీఎస్ఈ మార్కుల కుంభకోణం కారణంగా ఆత్మహత్య చేసుకున్న యువ భారతీయుల గురించి సమాధానాలు కోరుతూ వేలాది మంది నిరాయుధ విద్యార్థులు జంతర్ మంతర్ నుంచి పార్లమెంట్ వైపు ప్రదర్శన చేశారని తెలిపారు. వారికి టియర్ గ్యాస్, లాఠీలు, పెల్లెట్ గన్లతో సమాధానం ఇచ్చారని, పార్లమెంట్ పరిసరాల్లో ఇంటర్నెట్ను నిలిపివేశారని పేర్కొన్నారు. ఈ సమయంలో ప్రభుత్వంతో పాటుగా కదం కలిపిన ఒక శక్తిని గణతంత్రం ఎన్నడూ ఆమోదించలేదని, అది ఒక ప్రైవేట్ సైన్యమని, దానికి ఏ నియామకమూ ఉండదని, ఏ అధికారికీ జవాబుదారీ కాదని అన్నారు. ఇటువంటి అనైతిక ఏర్పాటు భారతీయ సృష్టి కాదని, దీన్ని ముస్సోలినీ, హిట్లర్ పరిపూర్ణం చేశారని, ఆరెస్సెస్ను నిర్మించిన వారు అక్కడే దాన్ని అధ్యయనం చేసి, ఉద్దేశపూర్వకంగా ఇక్కడికి దిగుమతి చేసుకున్నారని తెలిపారు.

ఇలాంటి వ్యక్తులు ఉన్నారని, వారిలో ఒకడు తన ఘనకార్యాలను స్వయంగా చెప్పుకున్నాడని రాజీవ్ శర్మ తెలిపారు. పాట్నాకు చెందిన 21 ఏళ్ల కార్యకర్త స్వతంత్ర న జంతర్ మంతర్ వద్ద నిరసన జరుగుతుండగా, దళిత విద్యార్థి కార్యకర్త నిషు ఆజాద్ తండ్రి సంజయ్ కుమార్ను కొట్టానని, తన వద్ద ఢిల్లీ పోలీసులు జారీ చేసిన లాఠీ ఉందని, అధికారిక హోదా లేకపోయినా ఢిల్లీ పోలీసులాగే తిరుగుతుంటానని చెప్పాడని వివరించారు. తనకు కపిల్ మిశ్రా, చిరాగ్ పాశ్వాన్, మోదీ అండగా ఉన్నారని, వారంతా తనకు అన్నయ్యల వంటి వారని భరద్వాజ్ చెప్పిన మాటలు బహిరంగంగా రికార్డయ్యాయని, అతను వాటిని వెనక్కి తీసుకోలేదని పేర్కొన్నారు. చిరాగ్ పాశ్వాన్ అతడితో తనకు సంబంధం లేదని ప్రకటించి, పోలీసులకు ఫిర్యాదు చేసినా కేసు నమోదు కాలేదని, ప్రధానమంత్రి నుంచి ఎలాంటి స్పందనా లేదని తెలిపారు. భరద్వాజ్ 73 రోజుల పాటు అరెస్టు కాకుండా స్వేచ్ఛగా తిరిగాడని, చివరకు రాహుల్ గాంధీ హోంమంత్రిని ప్రశ్నించడంతో పోలీసులు అతడిని అదుపులోకి తీసుకున్నారని చెప్పారు. ఒక వ్యక్తి మౌనంగా ఉండటానికి నిరాకరించడంతో ఇంత కాలం కొనసాగిన స్తబ్దతకు తెరపడిందని, భరద్వాజ్ పేర్కొన్న శక్తులు మౌనం వహించాయని, కానీ ఆ మౌనం ఎన్నో ప్రశ్నలను లేవనెత్తుతోందని అన్నారు. 21 ఏళ్ల యువకుడు ప్రధానమంత్రి పేరును దాడులకు ఒక లైసెన్స్గా భావించే స్థాయికి ఎలా చేరుకున్నాడని, అది నేర్పించబడుతుందని, 1931లో రోమ్లో దాన్ని నేర్చుకున్న ఒక సంస్థ ద్వారా ఇక్కడ తొంభై ఐదేండ్లుగా అది నేర్పించబడుతూనే ఉందని తెలిపారు. ఆరెస్సెస్ ఈ ఏర్పాటును కనిపెట్టలేదని, దీన్ని దిగుమతి చేసుకుని, అందుకు సంబంధించిన సాక్ష్యాన్ని వదిలిపెట్టిందని రాజీవ్ శర్మ పేర్కొన్నారు. ఆరెస్సెస్ పనిచేసే తీరు, అది అనుసరించే భావజాలం 1930ల నాటి ఐరోపా ఫాసిస్ట్ నమూనాల నుండి యథాతథంగా స్వీకరించబడ్డాయని స్పష్టమవుతుందని తెలిపారు. ముస్సోలినీ ఇటలీని స్క్వాడ్రిస్టీ (వీధి పోరాటాలు లేదా దౌర్జన్యం) ద్వారా స్వాధీనం చేసుకున్నాడని, ప్రభుత్వం ఎన్నికలను దొంగిలించిందని బయటపెట్టిన ఎంపీ గియాకోమో మట్టెయోట్టిని హత్య చేశాడని గుర్తుచేశారు. 1923లో ముస్సోలినీ ఆ స్క్వాడ్లకు యూనిఫాం, జీతం ఇచ్చి, ప్రభుత్వ నిధులతో నడిచే మిలీషియాగా మార్చాడని, హిట్లర్ కూడా బ్రౌన్షర్ట్లతో అదే చేశాడని తెలిపారు. రెండు దేశాలలోనూ, మొదట ప్రైవేట్ మిలీషియా, ఆ తర్వాత ప్రభుత్వ అనుమతి అనేదే అసలు ఉద్దేశమని, ఆ పార్టీ సూటు వేసుకుని పరిపాలన సాగించగా, దాని వాలంటీర్లు రక్తపాతం సృష్టించారని అన్నారు. అందుకే వారిని భారత్ బ్లాక్షర్ట్లు అంటారని, ఎలాంటి నియామక పత్రం లేకుండా, ఢిల్లీ పోలీసులు ఇచ్చారని చెప్పుకునే లాఠీని పట్టుకుని, ప్రధానమంత్రిని తన అన్నయ్య అని పిలుచుకునే వ్యక్తి, భారత దృష్టిలో అసలైన రోమన్ లాంటివాడని, ఆరెస్సెస్ ఫాసిస్ట్ భావజాలాన్ని కాపీ చేసి, ప్రతి దశలోనూ వారి అడుగుజాడల్లోనే నడిచిందని, ఇది పత్రబద్ధమైన వాస్తవమని స్పష్టం చేశారు. సంఘ్ పెద్దలే స్వయంగా దీన్ని రాసిపెట్టారని, 1925లో ఆరెస్సెస్ వ్యవ స్థాపకుడు కె.బి. హెడ్గేవార్ గురువు అయిన డాక్టర్ బి.ఎస్. మూంజేను పలాజో వెనిజియాలో ముస్సోలినీ కలుసుకుని, బలిల్లా, అవాన్గార్డిస్టీలను చూపించారని, భారతదేశ సైనిక పునరుజ్జీవనం కోసం అవి అత్యంత అవసరమని ఆకాంక్షించాడని తెలిపారు. ఆయన స్వదేశానికి తిరిగి వెళ్లి 1935లో సెంట్రల్ హిందూ మిలిటరీ ఎడ్యుకేషన్ సొసైటీ, 1937లో భోంసాలా మిలిటరీ స్కూల్ నిర్మించారని, బలిల్లాను భారత దేశంలో పునర్నిర్మించారని పేర్కొన్నారు. వి.డి.సావర్కర్ 1938లో భారతదేశపు ముస్లిం సమస్యకు జర్మనీ తన యూదుల పట్ల వ్యవహరించిన తీరే సమాధానమని పేర్కొన్నారని, ఆ తర్వాత ఎం.ఎస్. గోల్వాల్కర్, జర్మనీ యూదులను నిర్మూలించడాన్ని జాతి గర్వానికి పరాకాష్ట అని ప్రశంసించి, దాన్ని హిందుస్థాన్లో మనం నేర్చుకుని, ప్రయోజనం పొందటానికి ఒక మంచి పాఠం అని అభివర్ణించాడని తెలిపారు. అప్పటి నుండి గడిచిన 87 ఏండ్లలో, ఏ ఆరెస్సెస్ అధిపతి కూడా ఆ మాటలను వెనక్కి తీసుకోలేదని అన్నారు. ఆరెస్సెస్కు ప్రసిద్ధ లక్షణమైన చేసిన దుర్మార్గాలను చేయలేదని బుకాయించడం కూడా బయటి నుండే దిగుమతి చేయబడిందని, డెబ్బై ఎనిమిదేండ్ల పాటు, నాథూరామ్ గాడ్సే ఎన్నడూ తమవాడు కాదని ఆరెస్సెస్ అబద్దాలు చెప్పిందని, 2017లో పూణే కోర్టులో ఆ అబద్దానికి తెర పడిందని, వినాయక్ దామోదర్ సావర్కర్ మనవడైన సత్యకి సావర్కర్, గాడ్సే, అతని సోదరుడు గోపాల్ క్రియాశీలక ఆరెస్సెస్ సభ్యులని కోర్టుకు ప్రమాణం చేసి చెప్పారని వివరించారు. ఇది ఫాసిస్టుల అబద్ధాలు చెప్పే వ్యూహమని, పదేపదే అబద్ధాలు చెప్పడం ఆరెస్సెస్ అవలంబించిన మరో ఫాసిస్ట్ సూత్రమని తెలిపారు.