చెన్నైలో వాతావరణ మార్పు: మేఘాలు, వర్ష సూచనలు - మనోరంజని తెలుగు టైమ్స్

ఈ ప్రభావంతో పగటి ఉష్ణోగ్రతలు క్రమంగా తగ్గే అవకాశం ఉందని వాతావరణ నిపుణులు చెబుతున్నారు. కేరళ, తమిళనాడు మీదుగా విస్తరించిన అల్పపీడన ద్రోణి ప్రభావంతో చెన్నైలో మేఘాల ఆవర్తనం పెరగవచ్చని అధికారులు తెలిపారు.

నగరంలో ఉదయం వేళల్లో మేఘావృత వాతావరణం కొనసాగడంతో పాటు సాయంత్రం లేదా రాత్రి సమయంలో అక్కడక్కడ తేలికపాటి వర్షాలు కురిసే అవకాశం ఉంది. ఇప్పటికే సోమవారం ఉదయం చెన్నైలోని కొన్ని ప్రాంతాల్లో చిరుజల్లులు పడగా, సాయంత్రం మరికొన్ని ప్రాంతాల్లో వర్షం కురిసింది. కొన్నిచోట్ల స్వల్పంగా ఉరుములు, మెరుపులు కూడా నమోదయ్యాయి.

ఉష్ణోగ్రతలు తగ్గే సూచన

ఇటీవల చెన్నైలో పగటి ఉష్ణోగ్రతలు సాధారణం కంటే ఎక్కువగా నమోదయ్యాయి. నంగంబాక్కంలో 34.8 డిగ్రీల సెల్సియస్, మీనంబాక్కంలో 35.2 డిగ్రీల సెల్సియస్ ఉష్ణోగ్రతలు నమోదయ్యాయి. అయితే మేఘాల ఆవర్తనం పెరగడంతో రానున్న రోజుల్లో పగటి ఉష్ణోగ్రతలు క్రమంగా తగ్గే అవకాశం ఉందని నిపుణులు తెలిపారు.

మంగళవారం చెన్నై నగరం, శివారు ప్రాంతాల్లో సాయంత్రం లేదా రాత్రి సమయంలో తేలికపాటి నుంచి మోస్తరు వర్షాలు కురిసే అవకాశం ఉంది. కొన్ని ప్రాంతాల్లో ఉరుములు, మెరుపులతో కూడిన వర్షం పడవచ్చని వాతావరణ శాఖ సూచించింది.

రాబోయే 24 తేదీల్లో చెన్నైతో పాటు తిరువళ్లూరు, కాంచీపురం, చెంగల్పట్టు, జిల్లాల్లో అక్కడక్కడ తేలికపాటి నుంచి మోస్తరు వర్షాలు కురిసే అవకాశం ఉందని అధికారులు వెల్లడించారు.

బంగాళాఖాతంలోని అల్పపీడనం ప్రభావం

బంగాళాఖాతంలో ఏర్పడిన అల్పపీడన వ్యవస్థ మరింత బలపడి ఉత్తర ఆంధ్రప్రదేశ్దక్షిణ ఒడిశా తీరాల వైపు కదిలే అవకాశం ఉందని వాతావరణ శాఖ తెలిపింది. ఈ వ్యవస్థ నేరుగా తమిళనాడుపై పెద్దగా ప్రభావం చూపకపోయినా.. దానికి అనుబంధంగా ఏర్పడే ద్రోణి చెన్నై పరిసరాల్లో మేఘాల ఆవర్తనాన్ని పెంచే అవకాశం ఉందని అధికారులు వివరించారు.

చెన్నైతో పాటు ఉత్తర తీర తమిళనాడులోని కొన్ని ప్రాంతాల్లో కూడా తేలికపాటి వర్షాలు కురిసే అవకాశం ఉంది. ప్రస్తుతం నమోదవుతున్న వాతావరణ పరిస్థితులతో పోలిస్తే రానున్న రోజుల్లో మేఘావృత వాతావరణం పెరగడంతో నగరవాసులకు కొంత ఉపశమనం లభించే అవకాశం ఉంది.

భారత వాతావరణ శాఖ తాజా నగర అంచనాల్లో కూడా నుంచి 26 వరకు చెన్నైలో మేఘావృత ఆకాశంతో పాటు తేలికపాటి లేదా మోస్తరు వర్షాలకు అవకాశం ఉన్నట్లు పేర్కొంది.