హుజూర్నగర్ రూరల్, 12 November
సారంగాపూర్ మండలంలోని స్వర్ణ గ్రామంలో ఇందిరమ్మ ఇళ్ల నిర్మాణానికి ఎదురవుతున్న సమస్యలను పరిష్కరించాలని గృహ నిర్మాణ శాఖ మంత్రి పొంగులేటి శ్రీనివాస్ రెడ్డి ఆదేశాలు జారీ చేశారు. ఇరిగేషన్ స్థలం పేరుతో అధికారులు ఇబ్బందులు కలిగిస్తున్నారని లబ్ధిదారులు మంత్రికి ఫిర్యాదు చేశారు.
సారంగాపూర్, సారంగాపూర్ మండలంలోని స్వర్ణ గ్రామానికి చెందిన ఇందిరమ్మ ఇళ్ల లబ్ధిదారులు ఎదుర్కొంటున్న సమస్యను పరిష్కరించాలని గృహ నిర్మాణ శాఖ మంత్రి పొంగులేటి శ్రీనివాస్ రెడ్డి ఆదేశించారు. నిర్మల్ నియోజకవర్గ కాంగ్రెస్ పార్టీ ఇన్చార్జి శ్రీ కూచాడి శ్రీహరి రావు ఆధ్వర్యంలో లబ్ధిదారులు హైదరాబాద్లో మంత్రిని కలిసి తమ సమస్యలను విన్నవించుకున్నారు. స్వర్ణ గ్రామంలో శిథిలావస్థకు చేరిన ఇళ్లను కూల్చివేసి, మంజూరైన ఇందిరమ్మ ఇళ్లను నిర్మించే ప్రక్రియలో, అధికారులు ఇరిగేషన్ స్థలం పేరుతో లబ్ధిదారులకు ఇబ్బందులు కలిగిస్తున్న విషయాన్ని మంత్రి దృష్టికి తీసుకెళ్లారు. ఈ విషయంలో తక్షణమే స్పందించాలని లబ్ధిదారులు కోరారు.
వెంటనే స్పందించిన రెవెన్యూ, గృహ నిర్మాణ శాఖ మంత్రి పొంగులేటి శ్రీనివాస్ రెడ్డి జిల్లా కలెక్టర్ భవేష్ మిశ్రాకు ఫోన్ చేసి, సమస్యను పరిష్కరించి, రేపటి నుంచే ఇళ్ల నిర్మాణాలు ప్రారంభమయ్యేలా చర్యలు తీసుకోవాలని ఆదేశించారు. లబ్ధిదారులకు ఎలాంటి ఇబ్బందులు లేకుండా పనులు జరిగేలా చూడాలని సూచించారు. ఈ కార్యక్రమంలో ఇందిరమ్మ ఇళ్ల లబ్ధిదారులు, ఏఎంసీ చైర్మన్ అబ్దుల్లాది తదితరులు పాల్గొన్నారు.
