గ్రామీణ కళాకారులకు సినీ అవకాశాలు:

జిల్లా ఫిలిం అండ్ టీవీ ఆర్టిస్ట్స్ అసోసియేషన్ ఆధ్వర్యంలో టీమ్ ఆఫ్ శివరై చిత్రానికి సంబంధించిన నటీనటుల ఎంపిక కార్యక్రమం బుధవారం ప్రెస్ క్లబ్లో నిర్వహించారు. ఈ కార్యక్రమానికి తో పాటు పరిసర ప్రాంతాలకు చెందిన సుమారు 80 మంది కళాకారులు హాజరై తమ ప్రతిభను ప్రదర్శించారు. ఈ సందర్భంగా చిత్ర నిర్మాత తేజస్విని మాట్లాడుతూ, , పరిసర ప్రాంతాల్లోని కళాకారులకు సినీ రంగంలో అవకాశాలు కల్పించాలనే ఉద్దేశంతో ఈ చిత్రాన్ని నిర్మిస్తున్నట్లు తెలిపారు. చుట్టుపక్కల ప్రాంతాల్లోనే చిత్రీకరణ జరిపి, స్థానిక కళాకారులకు నటించే అవకాశం కల్పిస్తామని పేర్కొన్నారు. గ్రామీణ ప్రాంతాల్లో ఎంతో ప్రతిభ కలిగిన కళాకారులు ఉన్నప్పటికీ, తమ ప్రతిభను నిరూపించుకునేందుకు సరైన వేదిక, అవకాశం లేక మరుగున పడిపోతున్నారని అన్నారు. అలాంటి కళాకారులను గుర్తించి, వారిలోని నటనా నైపుణ్యాన్ని వెలికితీయడమే తమ చిత్ర నిర్మాణ ప్రధాన ఉద్దేశమని వివరించారు. స్థానిక కళాకారులు తమ కలలను నిజం చేసుకునేందుకు ఈ చిత్రం ఒక మంచి వేదికగా నిలుస్తుందని ఆశాభావం వ్యక్తం చేశారు. జిల్లా ఫిలిం అండ్ టీవీ ఆర్టిస్ట్స్ అసోసియేషన్ అధ్యక్షురాలు బండి సుగుణ, సీనియర్ నటుడు గౌటి రాజు, నిర్మాత ఎం.డి. రహీం, కరట బాలు, ప్రధాన కార్యదర్శి డాకూరి భాస్కర్ రెడ్డి, కోశాధికారి నెమలి సుభాష్, సంయుక్త కార్యదర్శి చింతల మోజీ, ఏలుపుల భరత్, రాకేష్ గౌడ్, మహేందర్, ఎం.డి. సలీం, ఆసంపల్లి మాలతి, శ్వేతారెడ్డి తదితరులు ఈ కార్యక్రమంలో పాల్గొన్నారు. ఈ ఎంపిక కార్యక్రమంలో సుమారు 80 మంది కళాకారులు పాల్గొనడం విశేషం. స్థానిక ప్రతిభకు ప్రోత్సాహం లభించేలా ఇటువంటి కార్యక్రమాలు మరిన్ని నిర్వహించాలని కళాకారులు అభిప్రాయపడ్డారు.