నిర్మల్ జిల్లా మండలం ధని గ్రామ పంచాయతీలో ప్రభుత్వ నిధుల వినియోగం, అభివృద్ధి పనులు, పన్నుల వసూళ్ల వివరాలు వెల్లడించాలని కోరుతూ కొత్తూరు రాజేందర్ సమాచార హక్కు చట్టం కింద దరఖాస్తు చేశారు. ఈ దరఖాస్తు ద్వారా పంచాయతీలో చేపట్టిన పనుల అంచనా వ్యయాలు, కాంట్రాక్టర్ల వివరాలు, చెల్లించిన బిల్లులు, ఆదాయం, ఇతర ఖర్చుల సమాచారాన్ని కోరారు.
గ్రామ పంచాయతీ పరిధిలో చేపట్టిన సీసీ రోడ్లు, మురుగు కాలువలు, వీధి దీపాలు తదితర అభివృద్ధి పనుల అంచనా వ్యయాలు, కాంట్రాక్టర్ల వివరాలు, చెల్లించిన బిల్లుల సమాచారాన్ని అందించాలని కోరారు. పంచాయతీ అవసరాల కోసం కొనుగోలు చేసిన విద్యుత్, ప్లంబింగ్ సామగ్రి బిల్లులు, ఉపాధి హామీ పనులు, కూలీలకు చెల్లించిన వేతనాల వివరాలను కూడా దరఖాస్తులో ప్రస్తావించారు.
ఆదాయం, ఇతర ఖర్చుల వివరాలు
అలాగే ఇళ్ల నిర్మాణ అనుమతులు, ఇసుక అనుమతుల ద్వారా వచ్చిన ఆదాయం, ఉద్యోగుల వేతనాలు, మొక్కల పెంపకం నిర్వహణ ఖర్చులు, జేసీబీ వినియోగం, మొరం రవాణాకు సంబంధించిన వివరాలు ఇవ్వాలని కోరారు. గ్రామ పంచాయతీ లేఅవుట్లలోని ఖాళీ స్థలాలు, ప్రభుత్వ నిధుల కేటాయింపులు, ఇంటి పన్నుల వసూళ్లు, ఫ్లెక్సీలు, బ్యానర్ల ఏర్పాటుకు చేసిన ఖర్చుల వివరాలను రికార్డుల ఆధారంగా అందించాలని దరఖాస్తులో పేర్కొన్నారు.
గ్రామ పంచాయతీ నిధుల వినియోగంలో పారదర్శకత ఉండాలని, ప్రజాధనానికి సంబంధించిన లెక్కలు ప్రజలకు అందుబాటులో ఉండాలనే ఉద్దేశంతో సమాచార హక్కు చట్టాన్ని ఆశ్రయించినట్లు రాజేందర్ తెలిపారు. చట్ట ప్రకారం నిర్ణీత గడువులో కోరిన సమాచారాన్ని అందించాలని సంబంధిత అధికారులను కోరారు.
గ్రామ పంచాయతీ ఖర్చుల వివరాలు వెల్లడైన తర్వాత నిధుల వినియోగంపై మరింత స్పష్టత వచ్చే అవకాశం ఉంది.