ఆదర్శ పాఠశాలలో విద్యార్థులకు ఏకరూప దుస్తులు, షూస్, బ్యాగుల పంపిణీ

ఈ సందర్భంగా సర్పంచ్ మల్లెల సాయిచరణ్ మాట్లాడుతూ విద్యార్థుల విద్యాభివృద్ధితో పాటు వ్యక్తిత్వ వికాసానికి పాఠశాల వాతావరణం ఎంతో కీలకమన్నారు. ఏకరూప దుస్తులు విద్యార్థుల్లో భేదభావాలను తొలగించి, అందరూ సమానమే అనే భావనను పెంపొందిస్తాయని ఆయన తెలిపారు. విద్యార్థులు ఈ సౌకర్యాలను సద్వినియోగం చేసుకొని క్రమశిక్షణతో చదివి తల్లిదండ్రులకు, పాఠశాలకు మంచి పేరు తీసుకురావాలని ఆయన ఆకాంక్షించారు. ఉపసర్పంచ్ శోభన్ మాట్లాడుతూ పాఠశాల విద్య విద్యార్థి జీవితంలో కీలకమని, యూనిఫాం, టై, బెల్టు, షూస్, బ్యాగుల పంపిణీతో విద్యార్థుల్లో బాధ్యతా భావం, పాఠశాల పట్ల ఆసక్తి పెరుగుతుందని ఆయన అన్నారు. సమయపాలన, పరిశుభ్రత, క్రమశిక్షణకు విద్యార్థులు ప్రాధాన్యత ఇవ్వాలని సూచించారు. గ్రామ శాఖ అధ్యక్షులు దేగం సాయన్న మాట్లాడుతూ విద్యార్థులు దేశ భవిష్యత్తుకు ప్రతినిధులని అన్నారు. చిన్ననాటి నుంచే క్రమశిక్షణ, మంచి నడవడిక, సేవాభావం, సామాజిక బాధ్యత వంటి విలువలను అలవర్చుకోవాలని ఆయన సూచించారు. పాఠశాల అభివృద్ధికి గ్రామ ప్రజల తరఫున అవసరమైన సహకారం అందిస్తామని ఆయన తెలిపారు.

ప్రిన్సిపాల్ గడ్డం రాజేష్ రెడ్డి మాట్లాడుతూ విద్యార్థులకు మెరుగైన విద్యా వాతావరణం కల్పించడంతో పాటు వారి సమగ్ర అభివృద్ధికి పాఠశాల యాజమాన్యం కృషి చేస్తోందన్నారు. విద్యార్థులు విద్యతో పాటు క్రీడలు, సాంస్కృతిక కార్యక్రమాలు, సాంకేతిక పరిజ్ఞానం, సృజనాత్మకత వంటి రంగాల్లోనూ ప్రతిభను కనబరచాలని ఆయన సూచించారు. తల్లిదండ్రులు తమ పిల్లల చదువుపై ప్రత్యేక శ్రద్ధ చూపుతూ పాఠశాలతో సమన్వయంతో ముందుకు సాగాలని ఆయన కోరారు. కార్యక్రమంలో సర్పంచ్ మల్లెల సాయిచరణ్, ఉపసర్పంచ్ శోభన్, గ్రామ శాఖ అధ్యక్షులు దేగం సాయన్న, ఐకేపీ ఏపీఎం సత్యానంద్, ప్రిన్సిపాల్ గడ్డం రాజేష్ రెడ్డి, ఉపాధ్యాయులు, విద్యార్థులు పాల్గొన్నారు. కొత్త ఏకరూప దుస్తులు, టై, బెల్టు, షూస్, బ్యాగులు అందుకోవడంతో విద్యార్థులు ఆనందం వ్యక్తం చేశారు. ఈ సందర్భంగా తెలంగాణ రాష్ట్ర ప్రభుత్వానికి, విద్యాశాఖ మంత్రికి పాఠశాల తరఫున కృతజ్ఞతలు తెలిపారు.