దేశవ్యాప్తంగా పలు రాష్ట్రాల్లో భారీ వర్షాలు.. మనోరంజని తెలుగు టైమ్స్ ఐఎండీ హెచ్చరికలు

అండమాన్ సముద్రం పరిసర ప్రాంతాల్లో ఏర్పడిన అల్పపీడనం క్రమంగా బలపడుతోంది. ఇది ఆగ్నేయ బంగాళాఖాతం, అండమాన్ నికోబార్ దీవుల పరిసరాల్లో వాయుగుండంగా మారే అవకాశం ఉందని ఐఎండీ అంచనా వేసింది. అనంతరం పశ్చిమ వాయవ్య దిశగా కదులుతూ ఆంధ్రప్రదేశ్ తీర ప్రాంతం వైపు వచ్చే అవకాశముంది. దీని ప్రభావంతో దక్షిణ, తూర్పు భారతదేశంలోని పలు ప్రాంతాల్లో వర్షాలు కురిసే అవకాశం ఉంది.

మరోవైపు, తుఫాను అవశేషాల ప్రభావంతో మధ్య భారతదేశంలోని కొన్ని ప్రాంతాల్లోనూ వర్షాలు కొనసాగుతున్నాయి. ఛత్తీస్గఢ్, ఒడిశా పరిసరాల్లో ఏర్పడిన అల్పపీడన ప్రాంతం క్రమంగా బలహీనపడుతున్నప్పటికీ, దాని ప్రభావంతో కొన్ని ప్రాంతాల్లో వర్షాలు కురిసే అవకాశం ఉంది.

ఏయే రాష్ట్రాల్లో వర్షాలు కురుస్తాయంటే

అరుణాచల్ ప్రదేశ్, కోస్తాంధ్ర, కేరళలో అక్కడక్కడ భారీ వర్షాలు కురిసే అవకాశం ఉందని వాతావరణ శాఖ అంచనా వేసింది. ఆంధ్రప్రదేశ్ కోస్తా ప్రాంతాల్లో భారీ వర్షాలు, ఉరుములు, మెరుపులు సంభవించవచ్చు. తెలంగాణలోనూ ఉరుములు, మెరుపులతో కూడిన వర్షాలు, గంటకు 30-40 కిలోమీటర్ల వేగంతో గాలులు వీయవచ్చు. ఒడిశాలో ఉరుములు, మెరుపులతో పాటు గంటకు 40-50 కిలోమీటర్ల వేగంతో ఈదురుగాలులు వీచే అవకాశం ఉంది. తమిళనాడు, పుదుచ్చేరిలోనూ వర్షాలు, పిడుగులు పడే సూచనలున్నాయి. కర్ణాటక అంతర్గత ప్రాంతాల్లో, కేరళ, అరుణాచల్ ప్రదేశ్లోని కొన్ని ప్రాంతాల్లోనూ భారీ వర్షాలు కురిసే అవకాశం ఉంది.

నవంబర్ మొదటి వారంలోనూ వర్షాలు

బంగాళాఖాతంలో ఏర్పడుతున్న వాయుగుండం ప్రభావంతో నుంచి 4 వరకు దక్షిణ భారతదేశంలోని పలు రాష్ట్రాల్లో వర్షాలు కొనసాగే అవకాశం ఉంది. తేదీల్లో కోస్తాంధ్ర, యానాం, ఒడిశాలో భారీ నుంచి అతి భారీ వర్షాలు కురిసే సూచనలున్నాయి. తెలంగాణలోనూ విస్తారంగా వర్షాలు కురిసే అవకాశం ఉందని వాతావరణ అంచనాలు సూచిస్తున్నాయి.

మత్స్యకారులకు హెచ్చరికలు

బంగాళాఖాతంలో సముద్ర పరిస్థితులు ప్రతికూలంగా మారే అవకాశం ఉంది. ఆంధ్రప్రదేశ్ తీరానికి ఆనుకుని, పశ్చిమ మధ్య బంగాళాఖాతంలోని కొన్ని ప్రాంతాల్లో గంటకు 40-50 కిలోమీటర్ల వేగంతో గాలులు వీచి, గరిష్ఠంగా 60 కిలోమీటర్ల వేగాన్ని అందుకోవచ్చు. సముద్రంలో అలజడి పెరిగే అవకాశం ఉన్నందున మత్స్యకారులు వాతావరణ శాఖ సూచనలను పాటించాలని అధికారులు హెచ్చరిస్తున్నారు.

వర్షాలు, పిడుగులు, ఈదురుగాలులు సంభవించే సమయంలో ప్రజలు అప్రమత్తంగా ఉండాలని, వాతావరణ పరిస్థితులకు అనుగుణంగా ప్రయాణాలు, ఇతర పనులను ప్రణాళిక చేసుకోవాలని సూచిస్తున్నారు.