బోధన్ విద్యార్థులకు బస్సు సౌకర్యం కల్పించాలి: టీజీవీపీ

బోధన్: కందకుర్తి, పేపర్ మిల్, నీలా, సాటాపూర్ గ్రామాల విద్యార్థులకు ప్రత్యేక బస్సు సౌకర్యం కల్పించాలని కోరుతూ తెలంగాణ విద్యార్థి పరిషత్ () బోధన్ డివిజన్ కార్యదర్శి మదరోళ్ల నిఖిల్, బోధన్ ఆర్టీసీ డిపో మేనేజర్ గారికి వినతిపత్రం అందజేశారు.

ఈ సందర్భంగా, ఉదయం 8:30 గంటలకు కందకుర్తి నుండి బోధన్కు, సాయంత్రం 4:30 గంటలకు బోధన్ నుండి కందకుర్తికి ప్రత్యేక బస్సు సర్వీసులు ఏర్పాటు చేయాలని వారు కోరారు.

ఈ గ్రామాల నుండి బోధన్ పట్టణంలోని పాఠశాలలు, జూనియర్ కళాశాలలు, డిగ్రీ కళాశాలలకు వెళ్లే విద్యార్థులు ప్రతిరోజూ రవాణా సమస్యలతో తీవ్ర ఇబ్బందులు ఎదుర్కొంటున్నారని, విద్యాసంస్థలకు ఆలస్యంగా చేరుకుంటున్నారని వారు తెలిపారు.

విద్యార్థుల సమస్యలపై టీజీవీపీ విజ్ఞప్తి

విద్యార్థులు ఆలస్యం కాకుండా సమయానికి విద్యాసంస్థలకు చేరుకునేలా ఆర్టీసీ అధికారులు ప్రత్యేక బస్సు సర్వీసులను ప్రారంభించాలని, విద్యార్థుల సమస్యలను పరిష్కరించేందుకు వెంటనే తగిన చర్యలు తీసుకోవాలని తెలంగాణ విద్యార్థి పరిషత్ నాయకులు కోరారు.

ఈ కార్యక్రమంలో సభ్యులు అర్ఫత్ ఖాన్, షేక్ ఖాజా మొయినుద్దీన్ తదితరులతో పాటు విద్యార్థులు పాల్గొన్నారు.