మండలం, పెంటఖుర్దు గ్రామంలో దుర్గామాత నిమజ్జన శోభాయాత్ర సందర్భంగా క్యాంపు దుర్గామాత శోభాయాత్ర, పాతూరు దుర్గామాత శోభాయాత్రల సమయంలో ఇరు వర్గాల మధ్య ఘర్షణ చోటుచేసుకున్నట్లు సమాచారం. ఈ ఘటనపై సమాచారం అందుకున్న రూరల్ ఎస్ఐ, ఘర్షణకు దిగిన వారిపై కేసులు నమోదు చేసినట్లు తెలిసింది.
పెంటఖుర్దు గ్రామంలో మద్యం బెల్ట్ షాపులను శాశ్వతంగా మూసివేస్తామని గతంలో హామీ ఇచ్చినప్పటికీ, ఇప్పటివరకు ఎలాంటి చర్యలు తీసుకోలేదనే విమర్శలు వినిపిస్తున్నాయి. గ్రామంలో బెల్ట్ షాపులు యథావిధిగా కొనసాగుతున్నాయని స్థానికులు ఆవేదన వ్యక్తం చేస్తున్నారు.
గ్రామంలో శాంతిభద్రతలను కాపాడేందుకు, మద్యం బెల్ట్ షాపుల సమస్యపై సంబంధిత అధికారులు స్పందించి, తగిన చర్యలు తీసుకోవాలని గ్రామస్థులు కోరుతున్నారు.
బెల్ట్ షాపులను శాశ్వతంగా మూసివేస్తామని ఇచ్చిన హామీని అధికారులు ఎప్పుడు అమలు చేస్తారో వేచి చూడాలి.
